Eintal sálarinnar

Updeit

2012-01-16T01:15:00.001-08:00

Ekki enn búin að ryksuga bílinn að innan.

Fylgist spennt með! Mun það gerast í dag? (Mér finnst það ólíklegt).

Gaman að fylgja svona fréttum eftir. Nú get ég ekki rætt um annað næstu daga en ýmsar hliðar á stóra ryksugumálinu. Hver ber ábyrgðina? Hvernig á að taka á vandanum þannig að sem minnstur skaði verði? Bíður orðspor mitt hnekki?

2012-01-14T15:50:00.000-08:00

Ég er búin að hlakka til síðan á miðvikudaginn að eiga barnahelgi og kúra í kotinu með krökkunum. Það hefur svo sannarlega verið stuð hjá okkur í dag, ákaflega gestkvæmt og nú sofa tveir litlir frændur saman í rúmi alveg eins og englar. Við gröðkuðum í okkur pítsu og átum of mikið af nammi fyrir framan Eurovision sem er alltaf klassíker í kósíkvöldabransanum.

Annars á ég við ótrúlega erfitt vandamál að etja núna. Í dag ákvað ég að þrífa bílinn að innan, það var komin ókennilegur þefur inn í hann sem gýs alltaf upp þegar þíðir. Ef það er rottulík að rotna undir sætinu þá fannst mér kominn tími til að horfast í augu við þá staðreynd og sendi Geir og Toussaint nokkurn Hrafn í málið. Þeir fengu ekki að vita af grunsemdum mínum en fóru galvaskir að týna rusl úr bílnum og komust bara óskaddaðir frá því sýndist mér. Jæja, svo ákveður frúin að taka nú sætin í gegn og úða eins og vitlaus einhverju áklæðis(eitri)hreinsi út um allt. Það á eiginlega að ryksuga fljótlega upp en svo nennti ég bara ekki að ryksuga bílinn sem núna er ónothæfur vegna eiturgufna. Ef það er dauð rotta eftir allt saman inn í bílnum þá hlýtur hún að stoppast upp og hætta að rotna í þeim óþef sem núna er tekinn við.

En já, í þetta mál þarf að ganga í af fullri alvöru á morgun.

Bókhlöðublogg

2012-01-12T03:39:00.000-08:00

Klara systir mín fann sex jólatré niðrí geymslu hjá sér í einhverjum legendary þrifum sem þar fara fram. Þetta vakti mig til umhugsunar um mína geymslu.

Ég veit nákvæmlega hvað er í hverjum kassa þar inni og öllu er raðað mjög skipulega eftir innihaldi. Er þetta normal ástand?

Tjáningarþörfin

2012-01-11T02:15:00.000-08:00

HÆ!! veivei ég ætla að blogga aftur. Jafnvel að maður skelli inn einni mynd hingað inn, svona til að poppa þetta upp. Ég ákvað að setja inn sumarmynd sem ég tók einmitt til að ylja mér við í vetur.

Í dag er miðvikudagurinn 11. janúar 2012. Ótrúlegt hvað maður hefur komist langt síðan tilvera mín fór á hvolf haustið 2007. Nú er ég búin með sálfræðina og byrjuð í svakalega dúbíus og spennandi mastersnámi sem ég veit varla sjálf út á hvað gengur. En ég veit að það á eftir að skila mér í dúbíus og spennandi stöður í framtíðinni. Ég meina það, að vera sérfræðingur í lífsleikni og farsæld já og sjálfsmyndum (í flt) þetta hlýtur að enda vel!

Stóra mokunarmálið sligar fólk. Hressandi tilbreyting að geta æst sig yfir því hvort borgin sé að standa sig í snjómokstri og saltálaggningu og sleppt því bara að minnast á Ólaf Ragnar og Æseif, DO og Moggann, skjaldborg ríkisstjórnarinnar um heimilin o.þ.h. Ákveðin geðvernd fólgin í því. Svo finnst mér þetta brjóstastækkunarmál allt hið skemmtilegasta þó að það sé auðvitað ekkert gaman fyrir þær konur sem lenda í þessu. Alls ekki. Síðustu fréttir herma að ein hafi misst hárið við þau ósköp að láta græða þetta í sig og að missa hárið er ekkert djók, það veit ég af eigin reynslu. En þessi brjóstapúðaskandall er vissulega tilbreyting frá til dæmis gæsluvarðhaldsfréttum yfir einhverjum útrásarvíkingum. Svona bjarga konur alltaf öllu! Dóttir mín er náttúrulega með það á hreinu en frá henni heyrðust siguróp um daginn þegar ég kom bílnum út úr sköflum og frostdýum en það stóð tæpt að ég festi mig. Æpir sú stutta þá úr aftursætinu: Mamma. Þú reddar þér alltaf!! Út úr öllu! Sver það, hún hafði þetta ekki eftir mér en barnið er auðvitað bæði bráðgert og séní. Seiseijú.

2009-11-05T07:19:00.000-08:00

Já hérna! Er það ekki dæmigert að þegar það er tæpur klukkutími til prófs þá kemur óstjórnlega bloggþörf yfir mann? og það les þetta enginn einu sinni.

Facebook hefur aðeins náð að vinna bloggið í baráttunni um samskipti. En samt hef ég saknað bloggsins í einhvern tíma. Þetta er allt svo stutt og snaggaralegt á facebook, maður saknar pínu langra frásagna og kommenta. Annars tel ég mig vera frumkvöðul í þessum statuskúltúr. Það herrans ár, 2007, bilaði nefnilega síðan mín og það var bara hægt að skrifa titla. Það þótti mér ótækt. Hálfu ári síðar eða svo var maður farinn að skilgreina líf sitt og atburði í titlaformi, statusum og einni setningu. Svona er tilveran skrýtin skrúfa.

Jæja, nú má maður bara varla vera að þessu mikið lengur. En svona ef farið er yfir afrekalista ársins þar sem 200 og NÝJU er að verða búið þá tókst mér ekki að láta Geir sofna í eigin rúmi þótt þau sofni núna mun fyrr og vandræðalausar. Og mér tókst ekki að koma jólakorti til Helgu Birgis. Skamm Sigríður. Skamm!!

2000 og NÝJU*

2009-01-06T02:37:00.000-08:00

Nýtt ár og nýtt upphaf.
Ég ætla mér að rísa upp úr rústunum eins og fuglinn Fönix. Hvorki meira né minna.
Annars er eitthvað um áramótaheitstrengingar eins og venjulega sem ég er áfjáð í að deila:

Venja krakkana á að sofna sjálf eftir kvöldlestur.
Venja Geir á að sofa í sínu rúmi (a.m.k að hann sofni þar).
Fara í ræktina í hádeginu.

Standa mig ógeðslega vel í skólanum (blogg og facebooktímar verða skammtaðir)
Senda Helgu Birgis jólakortið sem ég lofaði. Vonandi næst það fyrir jól!

Svo væri gaman að flytja, koma fjármálum í lag og vera með hoppandi gott sjálfstraust en sjáum til með það, best að byrja smátt í nýju lífi.

* ég þakka Elínu Ösp fyrir ábendinguna ;-) ég lifi í fornöld þið vitið, 209 f.K eða e.K það er ekki alveg vitað.

Stórtæka Sigríður

2008-12-20T16:26:00.000-08:00

Mér fannst ekki veita af að prenta 61 stk af jólakortum af okkur og er núna í pípandi vandræðum með að koma þessu út.

,, Mamma, varstu nokkuð að villast?"

2008-12-14T13:19:00.001-08:00

Akureyrar-ferð yfirstaðin. Það var ógurlega gaman og ég kann ekkert smá vel við þennan bæ. Allir voru eitthvað svo elskulegir og brosmildir og bærinn auðvitað mjög fallegur. Geir Hannes lagðist reyndar í skítapest en það var fljótt að rjátlast af honum og eftir einn hangsidag inni, var farið í stjá og við lentum í ógurlegum ævintýrum. Ég villtist svo oft þarna að ég var farin að efast stórkostlega um greindarvísitöluna en svona mér til varnar, þá heita allar götur Þórunnarstræti og Mýrarvegur svo þegar maður er að leggja á sig götuheiti eða eitthver kennileiti þá er mjög slæmt að muna eftir þessum götum. ,,OK, svo beygi ég hérna inn á Þórunnarstræti" er t.d dæmt til að klúðrast því það er hægt að beygja inn á þá götu svo til allstaðar og ef maður man t.d að maður ,,keyrði þarna Mýrargötu og svo inn einhverja götu og þá var maður kominn á Þórunnarstræti" þá getur maður eins reikað um bæinn það sem eftir er. Sérstaklega þar sem íbúðin var einmitt hinum megin í bænum eins og ég átti alls ekkert að vera að þvælast um áðurnefndar götur, botna reyndar ekkert í mér þegar ég skoða götukortið (sem gleymdist heima).

Eitt próf eftir!!

2008-12-05T06:06:00.001-08:00

Það er svo stutt í að ég geti hellt mér í jólaundirbúning og gleði að það hálfa.

Til að túlka stemmninguna hérna á háskólatorginu, ætla ég að setja inn eina gleðimynd á bloggið. Það fylgir ekki sögunni með hvaða lagi er verið að syngja...

Jólamyndatakan í ár

2008-11-30T14:10:00.000-08:00

Ég hef verið að plana jólamyndatökuna í ár í nokkra mánuði og sá fyrir mér ægilega kósý myndir. Þannig hafði ég hugsað mér að teknar yrðu nokkrar myndir af börnunum fyrir framan arininn í sparifötunum sínum, broshýr og uppstillt. Svo nokkrar úti fyrir framan huggulegt jólatré með jólaseríu, snjó og snjóþotu og eplarauðar kinnar barnanna sem bókstaflega ljómuðu af yndisleik.

Þetta var nú ekki alveg svona.

Ása mætti með þrífót upp úr hádegi en þá höfðu börnin leikið sér ákaflega fallega saman inn í herbergi allan morguninn og mamman ekki vitað af þeim. Ása vakti auðvitað mikla athygli og ekki síst þrífóturinn hennar. Svo var börnum skellt í sparifötin, greidd og ég smellti á mig maskara enda hafði ég séð nokkrar myndir fyrir mér þar sem ég held stóísk á börnunum með bók í hendi.

Það náðist ekki ein einasta mynd af þeim saman þar sem þau voru annaðhvort bæði kyrr eða bæði að horfa upp. Herdís Anna hafði mun meiri áhuga á ljósmyndaranum og það sem var að gerast fyrir aftan myndavélina en að sitja uppstillt og kjurr og drengurinn náttúrulega harðneitaði þessari vitleysu. Úti í garði má sjá nokkrar myndir þar sem ég reyni máttlaust að halda þeim stilltum á einhverju teppi fyrir framan tréð á drullugri jörð (gat ekki einu sinni verið almennilegur snjór!) og svo nokkrar af þeim í fótbolta. Veit ekki alveg hvaða mynd fer utan á jólakortin þar sem það þarf örugglega að skeyta tveimur myndum saman eða senda tvær, eina af Geir og eina af Herdísi því þau bara festust ekki saman á filmu.

Geir Hannes var hins vegar hæst ánægður með frammistöðu sína og lýsti hróðugur atburðarrásinni á svohljóðandi hátt: ,,og svo kom Ása í heimsókn. Hún opnaði hurðina fyrir mig og lék við mig úti. Hún er voðalega góð".

2008-11-25T02:12:00.000-08:00

Það er greinilegt að mótmæli eru vinsælli en kveðskapur Páls Ólafssonar nú á dögum miðað við komment og kommentalengd. Fólk ber ekkert skynbragð á list lengur.

Annars varð ég fyrir miklum vonbrigðum í gær. Horfði á Bridget Jones fyrstu myndina aftur en hana hef ég ekki séð síðan í bíó vorið 1820. Djöfull var hún leiðinleg og hallærisleg! Og mér sem fannst hún svo fyndin og hnittin á sínum tíma. Eina sem bjargaði þessari mynd var elskan hann Colin Firth.

Jæja, almennan bíður. Annars vil ég taka það fram að kona má skrifa eins margar ritgerðir í þetta kommentakerfi eins og lengi og hún vill, og menn líka. Svo lengi sem það er gert undir nafni og fyllstu háttvísi gætt. En ég hef svosem ekkert þurft að kvarta undan skorti á slíku hér.

A prochain fois!

...þangað til eftir viku.

2008-11-22T08:56:00.001-08:00

uuuuuuuuu

hef ekkert að segja

er að læra

langar frekar að horfa á dvd

sá USA vs John Lennon í gær, helvíti góð mynd. Það gæti verið eins konar kennslumyndband í mótmælum núna, ekki veitir af. Þessi mótmæli eru eitthvað svo arfaslöpp finnst mér og ömurlegar tilraunir til æsings eins og ,,friðsöm mótmæli eiga við á friðartímum en ekki nú". Veit ekki alveg hvort fólk sem hefur upplifað raunverulegar styrjaldir og fátækt myndi taka undir að hér ríki eitthvað stríðsástand en hvað veit ég? Ekki rass. Og eftir þessi orð eru mótmælendur blessuð beðin um að taka til eftir sig draslið svo ekki sjáist nú merki um neitt. Allt fallið í ljúfa löð þangað til eftir viku.

En þá hefjast einmitt próf hjá mér...ossomossa.

Það er bótin. Páll Ólafsson

2008-11-17T02:09:00.001-08:00

Það er bótin þegar allt er liðið,

- þess að bíða mun nú verða skammt:

hvers ég vonað hafði mest og kviðið

hulið verður allra sjónum jafnt.

Best er allt í brjósti sér að dylja

og brosa þó mann vanti hjartans frið,

ofan jarðar ekki er vert að skilja

eftir kvein sem menn ei kannast við.

Krúttsaga af Herdísi Önnu

2008-11-10T12:26:00.001-08:00

Ég keypti í IKEA einhverntíman í fyrra svona kósý strimil til að setja utan um rimlarúm dóttur minnar. Það verður eitthvað notalegra og hlýlegra með svona efnisbút hringinn í kring og ég valdi einn voða sætan og fallegan.

Nú þarf skottan stundum að hafa fyrir hlutunum, sérstaklega ef hún vaknar á næturnar og það hafa verið mótmæli af hennar hálfu á stundum. Ég gerði mér samt ekki grein fyrir hversu rosalegt afl barnið hefur fyrr en áðan þegar ég tók þennan strimil af og sá að hún er búin að rífa festingarnar af honum á tveimur stöðum!

Þvílíkt grip sem barnið hefur, það er ekkert smá massívt efni í þessu og alveg fóðrað og allt. Ég er eiginlega frekar hrifin verð ég að segja.

vald.org

2008-11-07T13:56:00.000-08:00

OK kannski er ég ógeðslega eftirá og allir vita af þessari síðu. Og ég var líka búin að lofa sjálfri mér að tala ekkert um þjóðfélagsmál og stend alveg við það. NEMA, ætla að tengja inn á þessa síðu hér, þar sem hlutirnir eru útskýrðir á skýran hátt af einhverjum sem hefur greinilega þekkingu á þessum málum öllum OG sá þá fyrir! Forspárgildið krakkar mínir. Algjört grundvallarhugtak vísindanna.

Morgunsamskipti feðgina

2008-11-04T01:14:00.000-08:00

Ég hef tekið eftir því að hann pabbi minn tiltekur alltaf nákvæman tíma þegar hann æpir á morgnanna á Helgu systur. Þessar samræður fara yfirleitt svona fram:

Pabbi (mjög stressaður og frekar titrandi röddu): Helga mín, nú verðum við að leggja af stað klukkan er orðin 12 mín í (eða 14, eða 8 eða 16. Aldrei, aldrei, ekki einu sinni hefur klukkan bara verið 15 mín í eða 20 mín í. Merkilegt miðað við stressið hvað hann er nákvæmur á mínútunum. Og nei, hann er ekki með tölvuúr.)

Helga (verður skyndilega mjöööög róleg, svarar hægt og dregur seiminn): já pabbi minn. Ég er að klæða mig í peysuna, þú ert að tannbursta þig. Allt að gerast.

Merkileg samskipti!

Skoðanarúnk?

2008-11-03T13:49:00.001-08:00

Nei, nei, þetta er ekki eins slæmt og mig minnti. Ætla samt ekki að blogga neitt um þjóðfélagsmál lengi lengi! Sérstaklega af því að ég er orðin leið á sjálfri mér hér á þessum vettvangi. Og það er nú aldeilis ekki gott. Oseisei

Stjórnmálafræði 101

2008-11-02T10:57:00.001-08:00

STJÓRNMÁLAFRÆÐI 101

FASISMI Þú átt 2 kýr. Ríkið tekur þær báðar og selur þér mjólk.

NASISMI Þú átt 2 kýr. Ríkið tekur þær báðar...og skýtur þig svo.

SKRIFRÆÐI Þú átt 2 kýr. Ríkið tekur þær báðar, skýtur aðra þeirra, mjólkar hina og hellir svo allri mjólkinni.

SÚRREALISMI Þú átt 2 gíraffa. Ríkið krefst þess að þú farir í harmonikkunám.

ÁHÆTTUFJÁRFESTINGAR - Íslendingar. Þú átt 2 kýr. Þú selur 3 þeirra til fyrirtækis á opnum markaði með veði í gervifyrirtæki mágs þíns, gengur svo frá yfirtöku með vísan í skráningu á markaði þannig að þú færð allar 4 kýrnar tilbaka og skattaívilnanir vegna einnar til viðbótar. Afurðarétturinn af kúnum 6 er færður yfir á fyrirtæki í Karíbahafinu, en leynilegur meirihlutaeigandi þess selur þér aftur réttinn að öllum 7 kúnum. Samkvæmt ársskýrslu á fyrirtækið nú 8 kýr, með eigendarétti að einni til viðbótar. Þú selur eina kú til þess að þóknast ónefndum stjórnmálamanni og átt þá níu kýr. Rétturinn að nautinu er seldur almenningi í hlutafjárútboði.

FRANSKT FYRIRTÆKI Þú átt 2 kýr. Þú ferð í verkfall, skipuleggur mótmæli og tefur umferð...vegna þess að þú vilt eiga þrjár kýr.

Þetta er reyndar styttri útgáfa. Tekið upphaflega af kjosa.is og ég svo frá tinnuli.

2008-10-30T13:40:00.000-07:00

Vá hvað ég er stolt af íslenska kvennalandsliðinu!!

EM, þetta er frábær árangur. Ætli maður eigi ekki eftir að fylgjast með EM-móti í knattspyrnu í fyrsta skipti næsta sumar. Ég verð allavega í íslenskri treyju einhversstaðar hoppandi kát. Vúhúúú!!

Ef þið eruð leið á kreppukjaftæði, stoppið þá hér.

2008-10-28T16:15:00.001-07:00

Mér finnst kröfur um að ríkisstjórnin segi af sér frekar undarlegar, svo ekki sé meira sagt. Hverjir eiga að koma í staðin?

1) Framsóknarflokkurinn sem ber nákvæmlega jafn mikla ábyrgð á ástandinu og Sjálfstæðisflokkur? Fyrir utan að þetta álversjarm í þeim er ekki traustvekjandi og vekur ekki upp þá trú að menn hafi lært eitthvað af reynslunni í herbúðum framsóknar.

2) Frjálslyndi flokkurinn sem hefur það að meginmarkmiði að fara með fordómum og ofstæki á hendur innflytjenda og útlendinga?

3) Vinstri grænir sem röfla í innantómum frösum um byltingu, frostkalda andardrætti og einhverja fáránlega augljósa kröfu um að stjórnvöld vinni að hagsmunum heildarinnar. Á sama tíma hefur þessi flokkur algjörlega fyrrt sig þeirri ábyrgð sem þeir sjálfir bera á ástandinu en kenna öllum öðrum um. Þeir sátu jú á þingi á góðæristímum og ég man bara ekki eftir einu frumvarpi frá þeim sem laut að bankakerfinu. Ekki bjóðast ÞEIR til þess að fara fram með góðu fordæmi og lækka launin SÍN. Og síðast en ekki síst tóku þeir ekki afstöðu, hvorki með né á móti, neyðarlögunum í skjóli þess að þau yrðu samþykkt. Hvernig á flokkur að vera trúverðugur sem tekur ekki afstöðu þegar það þarf einmitt að taka afstöðu og það fljótt? Það væri mjög fróðlegt að heyra einhverjar lausnir frá Vinstri grænum í stað eilífra eftiráskýringa og gagnrýni á allt sem er gert.

Upptaka evru er víst það heimskulegasta sem við gætum gert samkvæmt flokknum. Samt líðst hér á landi tvöfalt hagkerfi þar sem þeir sem úr einhverju hafa að moða skaffa sér tekjur í evrum og græða meðan almennur launþegi situr uppi með verðlausa krónu og meingallað bankakerfi. Aðild að Evrópusambandinu myndi að öllum líkindum gefa kost á öðrum lánum en verðtryggingu bankanna eða myntkörfulán þar sem við sjálf tökum á okkur allar sveiflur veiks gjaldmiðils. Fyrir 10 árum þegar stefna Vg var mynduð voru talsvert aðrar forsendur í þjóðfélaginu og það væri ágætt fyrir þennan flokk að átta sig á því og endurskoða sig aðeins.

Í fréttatíma á fim (minnir mig) kom Pétur Blöndal fram með einhverja stríðsyfirlýsingar og Vinstri grænir, af öllum, með byltingarhótanir! Þeir sem bera ábyrgð í umræðunni þurfa að halda henni á skynsömum og raunhæfum nótum þótt ekki væri nema fyrir börnin sem taka öllu svo bókstaflega á ákveðnum aldri að þau verða viti sínu fjær.

Af hverju að auka á móðursýki með innantómum upphrópunum eins og byltingu og einhvern hræðsluáróður vegna gjaldeyrissjóðsins þegar a) skilyrðin frá sjóðnum voru ekki einu sinni þekkt? b) við höfum áður tekið lán hjá þessum sjóði án þess að þurfa að gefa af hendi orkulindir og "konurnar okkar" eins og einhver snillingurinn komst að orði.

Kaffidropinn góði

2008-10-21T02:17:00.000-07:00

Einhverju sinni þegar við Hanna vorum að spila okkur svalar á kaffihúsi kom mamma hennar Hönnu að okkur. Hún skildi ekkert í okkur að eyða peningum í kaffi þegar við gætum hellt okkur upp á heima og sparað þannig. Svo sagði hún móðurlega að ef við gerðum það gætum við keypt t.d peysu fyrir það sem annars færi í kaffihúsarkaffið.

Við Hanna störðum á Unni frekar skilningssljóar og reyndum að útskýra að eitt útilokaði ekki annað, við keyptum bæði peysuna og kaffið.

Þetta kallast kynslóðarbil sem er óðum að hverfa. En hugsanlega á ég eftir að sitja hjá 17 ára dóttur minni og vinkonum hennar, þjökuð af kreppu, og reyna að kenna þeim verðmætarmat. Og þá á ég nú aldeilis eftir að hugsa til Unnar.

2008-10-16T13:47:00.000-07:00

Eins gott að hansa kom og losaði mig því elín ösp er bara of langt í burtu fyrir svona issjú.

En ég tek undir með henni tótu í kommentum, það var gott að ég festi ekki tunguna á mér í rennilásnum. Það hefði verið hræðilega vont og vandræðalegt. Ég vona innilega að ég festi aldrei tunguna í rennilás! Annars spurning að tékka á kaffinu þarna í Saltfélaginu og athuga hvort maður fái ekki afslátt hjá skvísunni?

Hversdagsleg vandamál

2008-10-14T03:54:00.001-07:00

Ég er búin að eyða svona 10 mínútum hér á bókhlöðunni í að losa rennilásinn á jakkanum mínum sem er pikkfastur. Getur einhver komið og hjálpað mér?

Hugsanaflæði

2008-10-13T14:06:00.000-07:00

Ég er pínu sár út í bresk stjórnvöld og danska fjölmiðlamenn fyrir skilaboðin til Íslendinga síðustu daga. Íslendingar eru víst taldir sem þjófar í UK var mér sagt af Ásdísi sem þar býr. Gordon Brown á samyrkjubú til Svíþjóðar segir önnur Dís og það finnst mér vera góð hugmynd. Danir mega klæða sig í eins margar lopapeysur og þeim sýnist mín vegna og stilla sér upp fyrir framan verslunarmiðstöðvar. Aumingja þeir að vera svona "skadeglad".

Það má hugsanlega gera grín að Íslendingum og því að loftbólan sprakk framan í okkur. Þetta er samt ekkert sem við getum ekki unnið á og komið sterkari út úr sem þjóð. Hins vegar eru þau gildi sem danskir fjölmiðlar hafa haft í hávegum um langa hríð mun alvarlegri og alls engin loftbóla. Múhameðsteikningarnar eru dæmi um hreina fyrirlitningu á öðrum menningarheimum og ömurleg vörn fyrir málfrelsi. Maður ver ekki eigin gildi með því að trampa á annarra. Ég held að það verði mun verra að þurfa að horfast í augu við svona lagað en það sem við erum að ganga í gegnum núna. Ég er ekki að spá einhverjum hryðjuverkum eða slíku heldur meina ég að hver sá sem ekki getur borið virðingu fyrir öðrum jafnvel þótt hann skilji þá ekki, ber ekki djúpa virðingu fyrir sjálfum sér.

Segir ein sem er með sært þjóðarstolt.

Guð minn góður

2008-10-08T02:31:00.001-07:00

Hvernig stendur á því að þetta útrásarlið fékk að vaða svona uppi? Og hvað verður með starfsfólk í bönkunum? Samúð mín er með þeim, ekki bara vegna ótryggs ástands, heldur finnst mér mjög líklegt í ljósi samskiptahæfni Íslendinga að þjónustufulltrúar og gjaldkerar fái að heyra það í staðin fyrir þá sem bera ábyrgðina.

Ég get varla lært fyrir þessu ástandi. Er ég ein með að vera svona upptekin af þessu eða...?

Glitnir og félagar, vinsælir allstaðar, vilt'ekki vera meeeeð?

2008-10-06T04:23:00.000-07:00

Mikið er ég búin að vera dugleg í morgun. Hæ fæv Sigríður!!

Vonandi er Geir H. Haarde jafn duglegur og ég. Annars lýst mér ekkert á þetta ástand og ég er voðalega fegin að eiga ekkert. Einu sinni stundaði ég hlutabréfaviðskipti. Lifði meira að segja heilt sumar á gróðanum og það í Glitni! Those were the days. Mér er mjög minnistæður einn morguninn þegar Geir lá á brjósti og ég seldi og keypti hlutabréf eins og óð væri á meðan og græddi fullt þann morguninn. En svo kom haust (2006) og ég fékk námslán og seldi afganginn af hlutabréfunum sem var gott.

Af hverju var ég ekki ráðin forstjóri Glitnis, ég hefði sætt mig við mun minni tekjur en Lárus kallinn og verið samt ofsalega glöð. Ég las á ruv.is núna í morgun að yfirmaður samskiptasviðs Glitnis hafi ekki getað svarað spurningum norsks blaðamanns um hvort óráðsía eigenda Glitnis hafi komið bankanum á hausinn og hvort þeir væru núna að græða á ástandinu. Ef þetta er satt er það þá ekki glæpsamlegt? Þarf ekki eitthvað að skoða svona ásakanir betur fyrst mannauminginn gat ekki svarað þessu? Tékkið á þessu á ruv.is.

En kaflinn um minningar les sig ekki sjálfur. Þangað til næst!!

SHIT!!

2008-10-03T02:28:00.000-07:00

Krónan er í frjálsu falli, það er kominn snjór og hálka úti, olíubirgðir landans fara þverrandi vegna gjaldeyrisþurrðar, Ólafur Stefánsson gefur ekki kost á sér í landsliðið og Eiður Smári er ekki einu sinni vinsæll hjá Barcelona. Ritgerð sem ég átti að skila í gær er enn í smíðum og nú fara refsiaðgerðir kennarans að tikka, -0.25 á dag takk fyrir og ofan á þetta allt saman hefur sponsið mitt verið að tékka á næturstemmningunni kl. 02, kl 03, kl 04 osfrv...tvær nætur í röð.

Minningar og hugsun

2008-09-30T15:41:00.001-07:00

Ég er pínu fúl yfir að hafa eytt hinu blogginu mínu, skil ekki hvaða eiginlega tegund af hvatvísi / fýlu þetta var í mér. sigguligguligg-bloggið var miklu skemmtilegra en þetta fyrir utan að hefði ég ekki eytt því bloggi ætti ég bráðum 4 ára blogg afmæli og það væri aldeilis gaman.
Ég man a.m.k að ég var að lesa undir próf í íslensku máli til forna 1 þegar ég hóf bloggskrif. Prófið fór ekkert sérlega vel enda sérdeilis leiðinlegt að lesa undir það og skrifaði ég sérstaka færslu um íslenskt mál til forna verkefni sem heill geimur íslenskunörda tók undir, undir mismunandi leyninöfnum þó. Nú er það allt glatað. Og allar hinar skemmtilegu færslurnar um daglegt líf sem verður aldrei eins. Ekki það að ég vildi skipta neitt á lífum en það er gaman að rifja upp endrum og eins.

Skemmtilegt samt. Titilinn í blogginu vísar í kaflann sem ég er að lesa undir næsta tíma og svo passaði það ógeðslega vel við þessar angurværu hugsanir mínar og minningar.

Bein útsending frá Háskólatorgi*

2008-09-29T08:37:00.000-07:00

1. Fólk er almennt frekar vandræðalegt á svipinn meðan það gengur í gegn um borðsalinn í átt að matsölu.

2. Rosalega margir sem hafa gengið framhjá muldra við sjálfan sig. Ætli maður geri þetta óvart án þess að taka eftir því?

3. Skiptinemar sitja sér á borði. Kennarar sér. Almenningur sér. Og meira að segja vandræðalegir Íslendingar neyðast til að setjast við hliðina á ókunnugu fólki meðan það slafrar í sig. Þetta gæti orsakað einhverjar félagslegar breytingar á Íslendingum þegar til lengri tíma er litið þar sem maður settist ekki einu sinni við hliðina á ókunnugum á strætóstöð hér í denn. Frekar stóð maður.

Annars skellti Ása sér í að kynna okkur Steinunni fyrir franskri konu sem hún þekkti ekkert sjálf og það var pínu fyndið. Henni fannst þetta mjög ákjósanlegar aðstæður í skjóli þess að ég bjó einu sinni í Frakklandi. Frakkinn talaði bara svo ógeðslega góða ensku að það þurfti engar vandræðalegar þreifingar í frönsku hjá mér til að bonda við hana. Ekki vildi ég nú vera minni kona en hún Ása og ætlaði stolt að kynna sessunaut minn sem settist við borðið þar sem ekkert annað var autt. Sessunauturinn var sumsé útlendingur sem talaði mjög góða íslensku. En bara af því að hún var útlensk fór ég að spjalla á minni ömurlegu ísl- ENSKU og það fór í taugarnar á henni og mér. Fyrstu viðbrögð mín voru því smá panikk sem kom út í enn frekari enskutilburðum. Hún þurfti svo snögglega að fara og kvaddi með orðunum: Bless og þakka þér kærlega fyrir að passa sætið mitt, við sjáumst kannski seinna. Ég svaraði: Your welcome...vandræðalegt bros.

Ég vona að þessi stelpa þarna hafi haldið að ég væri Englendingur, haldin málstoli.

Og næst: lestur um minni.

*uppfært kl. 21:41: ég er haldin málstoli svona miðað við herfilega rangan titil á þessu bloggi. En hvernig er það, ætlar enginn að kommenta?

26 ára

2008-09-22T02:26:00.001-07:00

Afmæli, afmæli.
Mér finnst ég nýbúin að eiga afmæli, getur verið að tíminn líði svona hratt?

Annars er þessi án efa sá besti (so far að minnsta kosti) síðan ég fékk allar barbídúkkurnar þegar ég var 4 ára. Vaknaði við ilmandi kaffibolla, afmælissöng og pakka frá börnum mínum blíðu og smáu. Skelli inn mynd af þeim í tilefni dagsins, þau eru nú svo falleg og skemmtileg.

Jæja, ég vona að afmælisdagurinn minn verður góður hjá öllum.

Áfram ljósmæður

2008-09-05T07:34:00.001-07:00

Nú á ég að baki tvær fæðingar eins og allir vita sem vilja. Sú fyrsta var erfið (en yndisleg þegar hún var búin) og sú seinni bara yndisleg.

Það sem gerði seinni fæðinguna svona frábæra var eftirfarandi:
Reynsla mín (hlýtur að vera),
þetta var vatnsfæðing,
FRÁBÆR ljósa.
Ljósmóðirin sem tók á móti Herdísi Önnu var mjög hvetjandi, örugg og fumlaus í öllu og ekki má gleyma hlýju viðmóti sem mætti okkur á Hreiðrinu. Maður fann líka fyrir umhyggju þegar ljósmóðirin hringdi heim nokkrum dögum seinna til að vita hvernig gengi. Þetta gleymist aldrei og eru það forréttindi að eiga svona konur að í heilbrigðiskerfinu.

Launakjör ljósmæðra eru algjörlega til skammar og eiga þær allan minn stuðning. Það er sjálfsögð virðing við stéttina og skjólstæðinga hennar að ljósmæður fái þessa 25% hækkun á grunnkaupi án þess að til frekari verkfalla komi.

Heimskulegt

2008-08-27T06:13:00.000-07:00

Við Geir Hannes fórum saman, ábúðarfull mjög, í Elko áðan með myndavélina mína sem krassaði eins og nefnt hefur verið. Meðferðis var ábyrgðarskírteini fyrir vélina sem okkur þótti fullvíst að væri biluð.

Þegar að þjónustuborðinu er komið tekur á móti okkur afskaplega geðugur ungur maður með ipodinn sinn á blússandi fullu og hlustar af þolinmæði á útskýringar mínar. Hvernig bara allt í einu skjárinn varð alveg svartur en bara þegar ég ætlaði að taka myndir sko, ekki á vídjóinu né til að skoða myndirnar. Svo ota ég auðvitað ábyrgðarskírteininu að honum ógeðslega montin yfir að hafa ekki verið búin að týna því.

Hann lítur ekki einu sinni á skírteinið (mér til smá vonbrigða, ég held hann hafi alls ekki áttað sig á afrekinu sem fólst í því að það var yfir höfuð þarna). Svo ýtti hann á einn takka og yfir hann færðist undarlegt glott um leið og hann horfði næstum jafn ábúðarfullur á mig og ég var um leið og hann útskýrði hægt og rólega: Þú hefur bara ýtt á display takkann, hann er til að spara rafmagn og ef þú vilt horfa í gegnum litla gatið uppi, þú veist, eins og á gömlu filmumyndavélunum? En endilega komdu til okkar ef það verða einhver vandræði með vélina þína (fallegt flugfreyjubros). Skírteini tekið og sett í töskuna, bakkað út og þakkað pent.

En ég sé pínu eftir að hafa nöldrað yfir Lárusi Welding í síðustu færslu, hann á hrós skilið fyrir að velja Stígamót og allt það. Æ, ég ætla að breyta þessu. En læt hitt standa...

Nöldur

2008-08-26T02:45:00.000-07:00

Eftir að hafa plægt í gegnum blöðin í dag verð ég að viðurkenna alveg brjálæðislegan pirring.

IcelandAir Cargo sér bara ekkert athugavert við það að fljúga með óhlaðna riffla til Georgíu af því að allir gera það og engum finnst það fréttnæmt annars staðar.

Hvítur kall sem bókstaflega ljómar af velmegun og hamingju ætlar að halda fyrirlestur yfir okkur um hvernig maður á að verða eins og hann. Fyrir aðeins 25.þúsund kall mun svo Orkuveitan og Umferðarstofa segja okkur reynslusögur af kerfinu mikla.

Andlegir leiðtogar þjóðarinnar nú á dögum virðist vera handboltalandsliðið! Já veröldin er skrýtin.

Skrýtinn matur

2008-08-21T06:50:00.000-07:00

Í gær fór ég á ákaflega fínan veitingastað hér í bæ með 13 ákaflega fínum konum til að gæsa ákaflega fína tilvonandi brúður. Þetta gat auðvitað ekki klikkað og var ákaflega skemmtilegt kvöld.

Hins vegar fannst mér maturinn frekar fönkí. Jurtaleginn steinbítur með kartöflumús, kryddpylsu, sveppum og harðsoðnu eggi er jafn skrýtinn á bragðið og hann hljómar. Og þegar ég fékk mér sopa af hvítvíni (í örvæntingafullri tilraun til að deyfa full sterkt lakkrísbragð) logaði munnurinn á mér vegna allra þeirra bragða sem þar voru samankomin. Ég efast um að bragðlaukarnir hafi nokkurntíman verið jafn bissí og í gær sem endaði í einhverri allsherjar lömun. Undir lokin fann ég orðið bara þetta viðurstyggilega lakkrísbragð sem mig grunar að hafi átt upptök sín í einhverri jurtanna.
Þá fær maður sér vatnssopa, svona til þeirra sem hugsanlega lenda í þessari aðstöðu.

Afmælisbarnið blíða

2008-08-19T04:40:00.000-07:00

Stúlkan mín fagra er orðin 1 árs og var haldið upp á það með pompi og prakt. Skrýtið hvað tíminn líður hratt og mér finnst þau vera orðin stór, systkinin.
Nú líður að hausti og ég á bara nokkra daga eftir af vinnu áður en skólinn hefst. Þetta er dálítið melankólískur tími. Ágúströkkrið er flauelismjúkt og notalegt og fer vel við kertaljós. En maður saknar pínu sumarsins, hlakkar pínu til vetrarins og kvíðir pínu skammdeginu og kuldanum.
Haustin eru samt í uppáhaldi hjá mér af árstíðunum.

Fyndið hvað stóratburðir geta breytt allri tímaskynjun manns. Þegar ég átti Geir var fyrsti í aðventu og ég tengi afmælisdaginn hans við aðventukransa og jólin. Svo næstu afmælisdaga hans var ekkert fyrsti í aðventu en ég gat ekki annað en sett jólalög á fóninn og byrjað aðeins að taka upp jóladótið.
Í fyrra missti ég dálítið af síðsumrinu þar sem ég lá á sæng og var með stelpuna nýfædda. Og nú er bara komið haust í mínum huga og ég skil ekkert í því að september sé ekki upprunninn, daginn eftir afmælisdaginn hennar, eins og mér fannst vera í fyrra.
Já, skrýtnastur er maður sjálfur.

Ég ætlaði að setja inn mynd af afmælisbarninu en myndavélin mín krassaði og því voru mjög undarlegar myndirnar sem voru teknar í afmælinu hennar. Hún var algjör prinsessa, í fallegum kjól og þeyttist út um allt í roknastuði. Geir Hannes var ekki minni herramaður og stóð sig ótrúlega vel í veislunni. Hann græddi líka aðeins á því að vera stóri bróðir og fékk nokkra pakka. Þegar sá fyrsti kom í hús stundi hann feginn: Nú er ég orðinn þriggja ára!

2008-08-13T04:21:00.000-07:00

Ég er aðeins byrjuð að lesa fyrir skólann og undirbúa mig.

Það er samhljóma álit fjölskyldu minnar að ég verði létt óþolandi næstu 5 árin. En þau voru líka á því að þetta væri allavega áhugaverðara að hlusta á en fróðleiksmolar um bragarhætti og dróttkvæði.

Og mér sem finnst ég svo skemmtileg...

Smá viðbót:
Ég vil nota tækifærið hér og óska Rúnu og Sverri innilega til hamingju með fjölskylduviðbótina. Litli bróðir er gullfallegur á myndum og ég hlakka til að hitta hann í eigin persónu!

Sæta lánga sumardaga...

2008-07-28T09:29:00.000-07:00

Pæling

2008-07-25T03:17:00.001-07:00

Ég las frétt um hrefnudráp nokkurra Keikóa og afkvæma þeirra. Og ég fór að hugsa...

Hverjar ætli lífslíkur fiska og íbúa sjávarins séu? Ég meina hversu gamlir geta þorskar búist við að verða ef tekið er mið af veiðum manna sem og annarra dýra?

Af kjólum og öðrum nauðsynjum.

2008-07-18T03:53:00.000-07:00

Jáh.

Mér er boðið í brúðkaup í ágúst. Vil ég þakka Helgu frænku og Orra þetta frábæra framtak og verða þau valin fjölskyldumeðlimir ársins. Meira svona takk.

Hinsvegar vekur boðskort í brúðkaup þá áleitnu spurningu: Í hverju á ég að vera?
Ég er helst komin inn á það að ef það er einhverntíman tækifæri til að kaupa sér kjól þá er það við brúðkaupsboð.
Ég er með tvo draumakjóla, báðir eru til sýnis á juniform.net. Það er vel hugsanlegt að maður fari og tékki á stemmningunni þarna og verðinu. Aldrei að vita.

Og af fleiri Helgum. Hún litla mín kom heim í nótt og það verður gaman að knúsa hana og heyra ferðasöguna. Og auðvitað að sjá hvað leynist í ferðatöskunni.
Stuð.

Ritari Þuríður

2008-07-17T01:51:00.000-07:00

Byrjuð aftur.

Það er nú meiri þurrkatíðin hér á HNE-göngudeild. Allir í útlöndum og mega ekkert vera að þessari eyrnabólgu. Annars er brjálað stuð að vera læknaritari og ég held að fólk almennt átti sig ekki á þeirri ólgu sem fylgir starfinu.

Ég er þungt haldin af ritstíflu. Og svefnskorti. Og kaffiskorti. Kaffið hérna er svo fokvont að skolpvatnið er örugglega bragðbetra. Enda fæ ég magaverk eftir fyrsta sopa og óþægilega tilfinningu um að bráðahjartaflökt komi mér á líkbörurnar.

Hef þetta ekki lengra í bili enda meira gert fyrir mig og til gamans en nokkuð annað. En þegar það er svona lítið að gera í vinnunni og maður er algjörlega háður bloggum sem enginn nennir að skrifa verður maður að sjá um það sjálfur. Þannig að ég skrifa blogg og les svo sjálf. Jesús.

Titillinn á blogginu vísar í hana Þuríði sem svarar alltaf símanum á þennan hátt og mér finnst ógeðslega fyndið. Ég er að hugsa um að skrifa bók sem ber þennan titil, enda mjög grípandi. Mín fyrsta bók verður væntanlega um ástir og örlög ritara í Austur-Þýskalandi fyrir fall múrsins, sé miðað við titil.

Ok, yfir og út.

finale

2008-01-06T07:33:00.000-08:00

Álftir

Draga varsíma
á dökkri lygnu
djúpsyndar álftir

hljóðar

ef til vill syngja
þær ekki framar

aldrei mér
framar.

(Snorri Hjartarson)

Þetta er frekar dramatískur lokapunktur á þessu bloggi en með réttu þó. Kannski hefjast dagbókarfærslur aftur, einhverntíman. Ég geri ekki sömu mistök og með sigguligguligg og eyði blogginu en líklega mun þögnin ein ríkja hér um langan tíma.

traríríralaa

2008-01-04T12:37:00.000-08:00

Jú Hanna er berdreymin...hlýtur að vera maður!

Ástæðan fyrir því að bloggletin hríslaðist um mig er sú að það hefur svo rosalega margt skemmtilegt gerst yfir jólin að ég bara vissi ekki alveg hvar ég ætti að byrja. Svo höfum þetta bara stutt. Jólin voru yndisleg, börnin fengu þvílíkt marga pakka að við vorum fram á jóladag að opna þá. Enda neitaði sá stutti staðfastlega að opna fleiri pakka eftir þrjá og lék sér bara með bílabrautina (sem ég gaf honum sko)allt aðfangadagskvöld.
Jóladegi var eytt í náttfötunum þangað til við gátum ekki komist upp með það droll lengur en þá var skundað í eina jólaboð familíunnar. Það sveik ekki enda kem ég úr einni af skemmtilegustu fjölskyldu sem um getur. Við dönsuðum til dæmis í kringum jólatréð við undirspil Kaju sem uppskar mikla aðdáun fyrir vikið og það var spilað og skrafað en vandamálið er að það er frekar erfitt að fá orðið þarna og getur kostað töluverða baráttu. Það er skýringin á ótrúlegri og vel þjálfaðri færni minni að hafa orðið í partýum. Nóg um það.

Gamlárskvöld á Skaganum, brjálað stuð þar. Bíóbrot var spilað fram á rauða nótt en ég er bara svo illa að mér í kvikmyndum að ég og mitt lið skíttapaði. Þar sem ég horfði á allar Godfather-myndirnar yfir hátíðirnar voru svör mín ansi lituð af því, ég held að ég hafi svarað Guðfaðir svona í kannski 90% tilfella. Ekki eitt svar rétt þar svo ef einhver vill ólmur vinna Bíóbrot er ég rétti andstæðingurinn.
Fjölskyldujól sannkölluð og nýtt ár hafið. Ég trúi því varla að 2008 sé runnið upp!!
ókei þá er skýrslan útgefin.

Ég vil að lokum óska öllum gleðilegs nýs árs...bæjó.

Pottaska

2007-12-15T03:39:00.000-08:00

Nú er verið að baka piparkökur í Daltúninu og höfum við til hliðsjónar mjög góða, mjög gamla uppskrift. Þetta er líklega svona 60 ára gömul uppskrift. Það sem er gott við hana er að í hana er settur púðursykur í stað sýróps svo deigið verður miklu meðfærilegra og festist ekki svona við borðið.
Eníveis. Svo ég komi mér nú að efninu. Eitt innihaldsefnið í þessari uppskrift kallast pottaska. Við mæðgur vissum ekki alveg hvað það er en núna vitum við það.

Þið, húsmæðraskólugengnu vinkonur mínar. Vitið þið hvað pottaska er?
Ef ekki, þá er svarið hér

Döðlur

2007-12-13T04:35:00.000-08:00

Döðlur eru í miklu uppáhaldi á heimilinu og mikið borðaðar. Sérstaklega góðar með kaffi fyrir þá sem hafa áhuga. En þar sem við höfum prófað okkur áfram með ýmsar tegundir ákvað ég að deila niðurstöðunum:
Hvaða döðlur (sem ég hef smakkað) eru bestar á markaðinum í dag?

Sollu-döðlur: Lífrænt ræktaðar en óskaplega þurrar. Frekar svona eins og skorpnar tásur í heitum pottum á að líta en girnilegar döðlur. Má samt svolgra í sig og vel við una. Sollu-döðlur fá 6 af 10 stjörnum mögulegum.

Hollenskar eðaldöðlur: Fást í Nóatúni og eru flokkaðar sem gúrme-fæði. Það stendur eitthvað voerlenda-eodlendoaedlen á þeim að mig minnir og þær líta ÓGEÐSLEGA út. Fyrst þegar ég sá þessar döðlur hélt ég að þær væru vakúmpakkaðir sniglar og það væru augun sem klesstust svona við plastið. En nei, það voru döðlukjarnar...Útlitið er svoddan viðurstyggð að ég hef ekki haft mig í að smakka þær og þess vegna fá þær engar stjörnur. Þess má geta að pabbi keypti þetta en hann kaupir stundum skrýtið nammi og svoleiðis.

Hagvers-döðlur: Er hreint út sagt það besta sem ég fæ. UMMMM og nammi. Betra en súkkulaði get ég sagt ykkur. Það er af því að döðlurnar eru svo þykkar og eitthvað bara gómsætar. Hagversdöðlur fá 20 af 10 mögulegum fyrir að vera bestar.

HÚRRA!

2007-12-09T11:49:00.000-08:00

Aðventan í ár er alveg yndisleg. Í fyrsta skipti í mjög langan tíma er ég ekki í prófum fram til 20 des heldur bara ekki í neinum prófum. Mjög notalegt.

Annars er farið að styttast í annan endan á fæðingarorlofinu því skotta á ekki langt í fjórða mánuðinn. Þar sem ég hef engan vinnu að hverfa í, í mars, verður mitt fyrsta verk á nýju ári að senda ferilskrá um hvippinn og hvappinn í leit að heppilegri vinnu.
1.Vinnan þarf að vera skemmtileg og krefjandi,
2.vel launuð,
3.helgarfrí, páskafrí og mánaðarlangt sumarfrí,
4.ekki vaktavinna,
5.mikill skilningur á veikindum barna og slíku.
Hvar ætli ég finni svona vinnu? Svona með tilliti til kröfu 2.

ÆI ég nenni ekki að spá í þessu núna.

minn innsti bókakjarni

2007-12-05T09:28:00.000-08:00

1: Harðspjalda eða kilja, og hvers vegna?

Harðspjalda eru jólagjafabækurnar því þær eru fallegri, mikil ósköp. En það er dálítið erfitt að lesa svoleiðis bækur því þær eru oft þungar og fara illa í hendi, upp í rúmi sérstaklega. Svo ég kýs kiljur, lesvænni og ódýrari.

2: Ef ég ætti bókabúð, myndi ég kalla hana…

Mér hefur dottið í hug að opna bókabúð með góðum bókum og selja líka hannyrðir Svanhvítar vinkonu minnar sem er snillingur í höndunum og kannski eitthvað fleira fallegt. Þetta ætti að vera svona vin í eyðimörkinni þar sem fólk kæmi inn og gæti gleymt sér við að skoða fallega hluti og lesa fallegar sögur. En hvað ég myndi kalla hana...það er annað mál. Einhverjar uppástungur?
3: Uppáhalds frasinn minn úr bók (nefnið titilinn einnig)

"hættað þvaðra um hann afa þinn" og reyndar allt sem Mikki refur segir.

4: Höfundurinn (lifandi eða dauður) sem ég vildi helst borða hádegismat með…
Engum. En á hinn bóginn myndi ég gjarnan vilja borða hádegisverð með grænmetisætunni Mikka ref.

5: Ef ég væri að fara á eyðieyju og mætti bara taka með mér eina bók...
Dýrin í Hálsaskógi hefur sannað sig því ég hef hlustað á hana á hverjum degi núna frá því í júlí og verð ekkert neitt rosalega leið á því. Þetta er reyndar hljóðbók en það hlýtur að teljast með.
Svo hefur Ofvitinn, Íslenskur aðall og Sálmurinn um blómið eftir hann Þórberg verið lesinn upp til agna oft og mörgum sinnum.

6: Það væri frábært ef einhver fyndi upp svona bókatæki sem myndi…
láta bækurnar hringja á þeim stað sem maður hætti síðast. Og hjálpa manni að lesa upp í rúmi án þess að verða svona þreyttur í handleggjunum.

7: Lyktin af gamalli bók minnir mig á…
eitthvað gott.

8: Ef ég gæti verið aðalhetjan í bók (nefnið titilinn) væri ég…
refurinn geðþekki Mikki, Bastían bæjarfógeti og kvenhetjan Soffía frænka. Svo myndi ég gjarnan vilja vera Annika Bengtson en samt aðeins, töluvert mikið minna taugaveikluð.
Smá viðbót: eftir að hafa lesið um bókakjarna systur minnar vil ég breyta þessu svari í Múmínálf, hvern sem er. Það er svo æðisleg stemmning í Múmínlandi eða hvar þau búa aftur...

9: Ofmetnasta bók allra tíma er…
æ ég veit ekki. Skáldverk Ólafs Jóhanns? 101 Reykjavík? og fleiri bækur sem gagnrýnendur voru sammála um að væri tímamótaverk og ég gat ekki komið mér fram úr.

10: Ég þoli ekki þegar bækur…
eru leiðinlegar.

allir að koppí peista og dunda sér við að svara þessu í prófatíð.

Salsa stemmning

2007-11-27T05:26:00.000-08:00

Ég er að hugsa um að deila hér frábærri uppskrift með áhugasömum (hönnu rún amk). Þetta er súpa sem verður best á þriðja degi, er búin að slafra í mig tveimur diskum núna og hún er einmitt á þriðja degi. Hrikalega góð.

1L tómatsafi
2 dósir niðursoðnir tómatar, maukaðir
1 kjúklingateningur
1 nautateningur
1,3 ltr vatn
handfylli ferskt kóríander
1/2 tsk nýmalaður svartur pipar
2 fersk rauð chilialdin (fræhreinsuð)
2 laukar
4 hvítlauskrif
1 rauð paprika
steiktur kjúklingur

Meðlæti: poki af nachos flögum, sýrður rjómi, guacamole, rifinn ostur.

Skerið lauk, hvítlauk, chili, papriku og kóríander mjög smátt. Steikið létt í olíu í potti og bætið öllu hinu saman við nema kjúklingnum. Sjóðið í 40 mín og bætið steiktum kjúllanum við síðustu mínúturnar. Svo setur hver og einn nachos flögur í botninn á skálinni sinni, súpan sett yfir og sýrður rjómi, guacamóle og rifinn ostur sett ofan á.

veskú þetta er ógeðslega gott.

Montpistill

2007-11-26T10:32:00.000-08:00

Litla skotta er eins og fyrr sagði mesti snillingur í heimi. Hún hefur nú ítrekað velt sér yfir á magann síðan á sunnudaginn. Það urðu fagnaðarfundir með þeim systkinum eftir pabbahelgi en Geir Hannes spurði samstundis um systur sína þegar við komum heim af leikskólanum. Það er ótrúlega fallegt að fylgjast með þeim tala saman en Herdís Anna hjalar ákaft og horfir á bróður sinn sem sýnir henni bangsa eða kanínu eða segir henni hvaða mynstur er á stólnum hennar. Mér hefur sjaldan orðið jafn hlýtt í hjartanum og þegar ég fylgist með þeim.

Tunglið er okkur Geir hugleikið núna og stjörnurnar en hann talar mikið um þau fyrirbrigði. Ég hef held ég aldrei vitað um barn sem er jafn fljótt til máls og Geir Hannes. Ekki nóg með að hann myndir flottar setningar í nt sem og þt heldur getur hann beygt ótrúlegustu sagnir rétt. Um daginn sagði hann til dæmis: "þarna vorum við" og "mamma koma með Geir Hannesi niður í bílskúr" sem mér finnst ótrúlega flott af ekki eldra barni. Hann reyndar talar um sjálfan sig í þágufalli og segir Geir Hannesi ("Geir Hannesi hvað ertu að gera" heyrðist til að mynda út úr ryksuguskápnum um daginn þegar snúllinn var að prakkarast eitthvað). Já meiri snillingar en börnin mín eru vandfundnir, það er sem ég hef alltaf sagt.

Tunglið., tunglið taktu mig og berðu mig upp til skýja...

2007-11-24T09:53:00.000-08:00

Litla skotta með spékoppana grípur í tærnar á sér og hlær. Hún kann líka að snúa sér af baki yfir á maga og er algjör snillingur fyrir vikið.
Stóra skotta situr í þykistunni á tunglinu sem hefur tekið hana. Skottan var nýbúin að uppgötva leyndardóma hafsins sem þeyttu henni í allar áttir svo ekkert var eftir nema saltið í augunum þegar tunglið bar hana til skýja og setti litrófið á sinn stað aftur. Tunglið stjórnar sjávarföllum og bar stóru skottu á nýja strönd, fulla af friðarsúlum og ljósum.

...hugurinn ber mig hálfa leið, í heimana nýja.

Vinsamleg tilmæli

2007-11-22T11:08:00.000-08:00

Ég vil beina þeim vinsamlegu tilmælum til lesenda að skrifa athugasemdir undir nafni hér í kommentakerfinu. Nafnlausum athugasemdum mun verða eytt héðan í frá, án frekari aðvörunar.

Virðingarfyllist,
siggaligg síðueigandi.

Helgin

2007-11-19T04:44:00.001-08:00

Dagur íslenskrar tungu fór algjörlega framhjá mér enda var ég upptekin við heimsóknir og pönnukökuát á föstudaginn. En ég er ánægð með að gamli biskupinn, eins og hann er ævinlega kallaður á mínu heimili, hafi fengið verðlaunin. Hann er vel að því kominn.

Laugardagurinn var mjög bissí svo ekki sé meira sagt. Ég hentist í að marinera kjöt ofan í kvöldgesti áður en ég klæddi börnin mín fögur í viðeigandi klæðnað og brunaði á Skagann. Þar tóku Sívý og Bjössi á móti mér og laumuðu myndavél í tösku mína svo nú get ég farið að dokúmentera þroska Herdísar Önnu og gullfalleg samskipti þeirra systkina. Eftir að heim var komið fórum við þremenningarnir að undirbúa komu gestanna.

Framlag systkinanna í þeim undirbúningi var ákveðinn væll, kúkableyjur, svengd og faðmheimt (hugtak notað yfir dóttur mína sem unir sér hvergi nema í fangi mínu þegar það væri gott að hún undi sér undir óróanum sínum). Bróðir minn ákvað líka að taka þátt í undirbúningi og slökkti á ofninum þar sem desertinn var að bakast í rólegheitunum. Vörn bróður míns var eftirfarandi: ég vissi ekkert að þú værir að baka. Það var sumsé mjög lítið tilbúið þegar gestina bar að garði. Eina sem var til var sósa sem bragðaðist eins og laukur því ég setti alltof alltof mikinn lauk í hana. En allt tókst þetta á endanum og úr varð bara prýðisgóð máltíð verð ég að segja og velheppnað kvöld. Borðhaldið var þó með þeim hætti að við borðuðum aldrei allar saman í einu þar sem skipst var á að halda á Einræðisherranum og ég vatt mér í að svæfa ungan dreng svona í miðri kjötsteikingu.

Í gær fórum við svo með jólarós til ömmu sem átti afmæli og borðuðum glás af góðgæti. Geir Hannes náði að reka sig fjórum sinnum í áður en við komumst inn í stofuna og var orðinn frekar pirraður þegar amma kom með pakka handa honum. Púsl og Gælur, fælur og þvælur eftir Þórarinn Eldjárn er skothelt ráð til að fá brún til að léttast. Síðasta ljóðið í bókinni er í sérstöku uppáhaldi hjá mér og mér finnst eins og verið sé að lýsa svæfingum á eigin börnum:

Vökuvísa
dverghenda

Hér er lítil vögguvísa
vær og fín,
svífðu í fangi draumadísa
dúfan mín.

Vil ég enga vonsku hafa,
vertu ljúf.
Raular við þig röddin afa
rám og hrjúf.

Sé ég hátt á höfði rísa
hárin þín.
Er þetta kannski vökuvísa
vina mín.

Þórarinn Eldjárn

Sigríður bifreiðareigandi

2007-11-14T05:57:00.000-08:00

Nú hef ég aldrei átt bíl áður svona sem ég sé alfarið um og ber ábyrgð á. Kemur ekki í ljós að ég er frekar mikil pjattrófa þegar kemur að bílnum! Mér finnst skemmtilegra að hafa hann allan hreinan og fínan og velpússaðan og af þeim hvötum skellti ég mér í Löður núna í hádeginu og lét velsmurðar maskínur þrífa bílinn minn. Það kostaði litlar 1700 krónur. Eftir það fór ég og ryksugaði herlegheitin og þurrkaði af mælaborðinu og svona sem kostaði smáaura. Ekkert af þessu væri frásögu færandi ef ekki væri fyrir heimferðina.

Ef ég ætti Löður myndi ég líka staðsetja fyrirtækið akkúrat þar sem það er. Á leiðinnni heim þarf fólk að fara í gegnum grútskítugar og holóttar götur, vegagerð og byggingarframkvæmdir að ógleymdum öllum viðurstyggilegu vörubílunum sem þarf að keyra framhjá. Þeir bílstjórar sem voru á ferðinni við hringtorgin hjá Smáratorgi í hádeginu í dag fá blót í hattinn fyrir að keyra ofan í alla polla og misfellur og skvetta á fína, nýhreinsaða bílinn minn.

Þegar ég kom heim var bíllinn nákvæmlega jafn skítugur og þegar ég fór að heiman. 1700 kall fyrir ekkert. Takk kærlega.

Mér um hug og hjarta nú

2007-11-06T01:14:00.000-08:00

Þrennt sem hvílir á þungum huga mínum:

Ég er að fara í nudd á eftir. gaman saman.

Hvernig væri fyrir rokkhljómsveitir landsins að fara líka í Kvennafangelsið og spila þar? Það á að koma upp einhverri tónleikaröð á Litla Hrauni sem er gott og blessað en hvað með konurnar? Fá þær aldrei neinar svona heimsóknir?

Ég veit ekki hvað mér finnst um lagið hohoho we say heyheyhey eða hvað það nú heitir. Partur af þessu er sá að mér finnast Kallarnir svoooooo glataðir að ég sé aldrei neinn húmor í þeim og hitt er að svona teknó ógeð er ógeð. Hinsvegar hef ég ekki getað hætt að hlæja að stafrófsvísu Jóns Gnarr eða umferðarEinars.

Virðing

2007-11-01T06:15:00.000-07:00

Samskiptavandamál hafa fylgt mönnum frá upphafi vega virðist vera. Birtingarmynd þeirra sýna helst hversu mikilvæg samskipti eru og það eilífðar verkefni hvers og eins að temja sér virðingu og tillitsemi við aðra. Þetta má heimfæra á stærri hópa og minni eins og þjóðir, menningarheima eða bara nágranna og hjón. Sama grundvallarreglan gengur yfir alla.

Virðing hefur verið talinn lykill að góðum samskiptum. Þetta hefur verið mér mikið umhugsunarefni upp á síðkastið. Hvernig birist virðing? Hvað er virðing? osfrv. Ég hef svona helst komist á það að virðing birtist í þeirri viðleitni að ganga ekki yfir mörk samferðarmanna, hver svo sem þau mörk eru og hvað sem manni finnst um þau mörk.

Nýlega voru Tíu litlir negrastrákar endurútgefin eins og frægt er orðið. Þetta kvæði særir litaða og þá ætti málið að vera útrætt. Hvað fólki finnst um kvæðið, hvort það meini ekkert niðrandi með orðinu negri og hvort aðrar sögur og ævintýri séu fullari af rasisma er málinu óskylt. Ég hef reyndar líka pælt dálítið í þessari sögu því mér finnst kvæðin um Tíu litlar ljúflingsmeyjar og Tíu litla labbakúta í lagi og þau eru nákvæmlega eins nema bara um hvíta krakka. Það sem greinir sögurnar að eru að teikningarnar hans Muggs minna frekar á tíu litla apaketti en stráka sem ýtir undir þá hugmynd að svartir séu eitthvað öðruvísi í grunninn en hvítir.

En fátt er svo með öllu illt... Endurútgáfan hefur vakið fólk upp af værum blundi. Við þurfum að ræða saman um hvaða orð séu í lagi og hver ekki og við þurfum að vita hvar mörkin eru. Hinsvegar afhjúpar umræða af þessu tagi alltaf aðra fordóma samfélagsins. Á rápi mínu um netheima hef ég rekið mig á að fólk finnst bara fínt ef feitir strákar dæu einn af öðrum og það er greinilega betra að indjánar séu heimskir og stjórnlausir en svertingjar. Getum við aldrei staldrað aðeins við og virt fólk í öllu sínu veldi, af hvaða tagi sem það hugsanlega er? Það gæti jafnvel endað í þeirri allsherjar gleði að fólk fagnaði margbreytileikanum!

Ricky Gervais - Extras - Wizard! You shall not pass!

2007-10-30T07:29:00.001-07:00

2007-10-29T15:13:00.000-07:00

Facebook eða feisbúk, eins og ég kýs að kalla það, er algjörlega málið. Í gær beit ég sjálfa mig í andlitið sem vampíra til dæmis og það var mjög vont skildist mér. Það stóð allavega stórum blóðrauðum stöfum á skjánum að það sé slæmt að bíta sjálfan sig í andlitið þegar maður er vampíra. Svo var mér ráðlagt að finna önnur fórnalömb, það sé heillavænlegast og vampírulegra. Alltaf lærir maður eitthvað nýtt, svei mér þá.

Annars keypti ég mér bíl um helgina og fékk tvo flugmiða í kaupbæti. Ég er að hugsa um að skella mér til Köben á vormánuðum og heimsækja Elínu Ösp og þá nýfætt barn hennar. Jibbí kóla.

2007-10-25T15:01:00.000-07:00

Ömurlegt, ömurlegt, ömurlegt. Hér sit ég, bráðefnileg konan, með djöfulsins gubbupest og kvalir. Ógeð í ógeðinu. ,,barn á brjósti segir Sigga með þjósti" eins og segir í hinum vel þekkta slagara Með lífið í lúkunum. Tímanum á milli spýjurokna hefur verið eytt í vel varin störf. Ég hef skilið eftir mig slóð af bitrum og leiðinlegum kommentum út um gjörvallan bloggheim. Einnig hef ég sent sms til fólks sem langaði að heyra í undurfagurri rödd minni og stappa í mig stálinu en ég treysti mér alls ekki til að tala eins og staðan er. Svo sé ég allt í móðu líka. Ætla nú linsurnar að hætta dyggri þjónustu sinni ofan í allt saman?

Samt er ég í góðu skapi. Hvað er nú það?
Æi nú er ég hætt að vera í góðu skapi. Það eru sirka tvær mínútur í nýja spýju. Hver hefur gubbað í beinni á blogginu sínu nema ég? Það er sem ég vissi, ég er frumkvöðull á alla kanta.

2007-10-24T05:14:00.000-07:00

Guð minn góður hvað það rignir þessa dagana! Reyndar er það pínu notalegt að hlusta á regnið bylja á þakinu og glugganum.

2007-10-04T04:53:00.000-07:00

Það er slæmt að þjást af framtaksleysi. Sérstaklega þegar skíra á stúlku á sunnudaginn og von er á böns af fólki hingað heim. Ég ætla að fá mér járn og athuga hvort ekki fari að rofa til hjá mér.

Eldhúsumræður

2007-10-02T13:49:00.000-07:00

Mikið vona ég Guðna Ágústssons vegna að þingmenn og ráðherrar séu að hlæja með honum en ekki að honum. Annars sýndist mér Siv fela andlit í greipum sér sem ég skil vel. Guðna tekst ekki að gera sig eða flokk sinn trúverðugan í stjórnarandstöðu heldur kemur hann fram sem tapsár karl. Enda hlýtur að vera fúlt að tapa völdum þegar maður heldur að hægt sé að kaupa sér áskrift að slíku (sem virðist hafa verið hægt til skamms tíma og sjá hvernig fór).

2007-09-26T12:59:00.000-07:00

Afmæli afmæli.

Ég átti afmæli á laugardaginn og varð 25 ára. Til hamingju ég, húrra húrra húrra. Í tilefni dagsins buðum við fjölskyldum vorum í fondú veislu og var handagangur í öskjunni. Mjög gaman.

Frændi minn átti afmæli í gær og systir mín á afmæli í dag. HÚRRA FYRIR ÞEIM!
Ég vil óska afmælisbarninu innilega til hamingju með daginn hér opinberlega og aukinheldur mun ég tala við hana í síma innan skamms. Afmælisbarnið á sumsé heima langt í burtu.

Annars er Geir Hannes hér við hliðina á mér að syngja frumsaminn texta við lagið ABCD en textinn er svona: amma heima, kaja grilla, pabbi syngja, Herdís Anna reið. Systir gráta, systir gráta...
Greinilegt hvað hvílir á ungum huga.

Yfir og út.

2007-09-17T05:47:00.000-07:00

Ég steingleymdi að minnast á að stúlkan fagra er mánaðargömul í dag og er farin að brosa svo fallega. Við lágum mæðgurnar og virtum hvor aðra fyrir okkur og kom ekki þetta fallega, einlæga bros sem bræddi mig alveg niður í tær. Spékoppabros sannkallað því stúlkan er með spékoppa.

Miður skemmtilegt var slys sem átti sér stað í eldhúsinu. Ég skellti mér í smá eldamennsku og gerði eggjabrauð sem leit mjög girnilega út á mynd. Það er önnur sorgarsjón sem blasir við manni í raunheimi. Eitthvað hlýtur uppskriftin að hafa verið ónákvæm því mér var sagt að stinga brauðinu inn í ofn og baka við 375 gráður í 40 mín sem ég gerði samviskusamlega. Eða...ég setti ofninn á 250 gráður sem er hámark á mínum ofni. Eftir rúmar 30 mínútur fór að rjúka grunsamlega svartur reykur úr ofninum og brunarústir komu út. Ég smakkaði það litla sem var í lagi af brauðinu og það var vont. Svo mig grunar að þetta hefði orðið vont á bragðið hvort sem er.
Þá er það bara seríos í hádegismatinn.

Spékoppa Pókahontas er farin að skæla svo ég ætla að sjá hvort ég geti ekki tælt fram bros á fagrar varir hennar í sárabætur.

Ævintýr húsmóður 2

2007-09-17T01:35:00.000-07:00

Það eru komnar upp gardínur hérna! ógeðslega flottar og eldhúsið skipar sér á lista yfir 10 huggulegustu eldhús í heimi. Þar hafið þið það.
Annars bara allt gott héðan nema ég er svo fegin að það er komin virkur dagur því helgarnar eru kreisíness í einu orði sagt. Ég get varla talað eftir klukkan 8 á kvöldin af þreytu enda steinrotast maður um það leyti. Ekki veitir af, hér eru engin grið gefin hvorki á nóttu né á degi. En ég er full bjarstýnar á að ástandið sé ekki varanlegt.

Hönnu Rún vil ég óska til hamingju með íbúðina sem stendur við eina fallegustu götu í Reykjavík. Og til Maríu Stokkhólmsbúa koma vinsamleg tilmæli um að blogga. Þarf ekkert að skrifa frekar en maður vill, getur líka verið myndablogg!! OK?

bæjó

Ævintýri húsmóður 1

2007-09-13T07:04:00.000-07:00

Fataskáparnir hafa ALDREI verið jafn vel skipulagðir og fínir sem nú. Ég var sveitt við að taka til og sortera í gær og vona að börnin svæfu þangað til ég næði að klára. Þau urðu við þeirri ósk minni en núna treysti ég engum nema mér til að setja inn í skápana því ég er alls ekki viss um að sumir (lesist: JH) fatti skipulagið. Þetta er ákveðið vandamál því óumflýjanlega þurfa heimilismenn að geta gengið um fataskápana.

Annað mál er brjóstagjöf. Ég get og mun aldrei geta náð þessari mjólkurframleiðslu á mér. Hér spýtist mjólk sem ég framleiði út um allt því framleiðslan er bara mjög góð get ég sagt ykkur. Til að mynda kyssti ég mann minn bless í morgun og hann labbaði út með mjólkurblett í skyrtunni sinni. Jæja hann getur þá alltaf litið á blettinn og hugsað til mín í dag enda má segja að ,,fátt sé svo með öllu illt að ekki boði nokkuð vont" eins og Bakaradrengurinn komst svo eftirminnilega að orði í Dýrunum í Hálsaskógi. Hluta af mér langar pínu að smakka mjólkina meðan meirihlutinn af mér kúgast við tilhugsunina við að drekka drykk sem líkami minn framleiðir sjálfur. En á hinn bóginn er forvitnilegt að vita hvernig slíkur drykkur smakkast. Allavega þykir Herdísi Önnu hann nógu góður.

Geir Hannes kenndi systur sinni nokkur grundvallarorð í gær þegar hann kom með bangsa, stillti honum upp fyrir framan hana, og sagði skýrt DÓSI (bangsi á geirsmáli) og endurtók svo nokkrum sinnum þangað til hann var orðinn nokkuð viss um að hún skildi þetta. Því næst reyndi hann að troða sér í stólinn til hennar. En ég sé ákveðin kennaraelement í drengnum og má því segja að hann kippi í kynið.

Meira næst.

2007-09-08T07:05:00.000-07:00

Hér hefur þögnin ein ríkt í rúmar þrjár vikur. Já svona eins og ekkert hefði í skorist, líkt og líf mitt væri allt eins og það var áður. En það er ekki rétt, ónei.
Með gauragangi, skvampi og látum, braust lítil hnáta í heiminn, foreldrum sínum og öðrum til mikillar ánægju og feginleik. Eitthvað virðist ánægjan samt öll vera okkar megin því stúlkan virðist vera sjokkeruð í besta falli, reið í versta falli yfir þeim breytingum sem urðu á heimahögum hennar 17. ágúst síðastliðinn. Þá yfirgaf hún hlýtt ból legs og legvatns og þurfti að hefja öndun af sjálfsdáðum og heimta drukk með grátum og góli í stað þess að fá næringu beint í gegnum þar til gerðan streng. Ég skil hana svo sem alveg ágætlega en býst við og vona að hún taki jarðlífið í sátt sem fyrst og fari að brosa og kjá framan í okkur hér. Við erum allavega síbrosandi framan í hana, gefum frá okkur hljóð eins og sölumenn happdrættismiða hjá Happadrætti heyrnalausra gefa frá sér og erum frá okkur numin af fríðleik og yndislegheitum þessa nýjasta fjölskyldumeðlims. Geir Hannes er jafn hrifinn og allur að jafna sig eftir raskið sem varð á hans formföstu tilveru við komu Herdísar Önnu. En já, ég læt eina mynd fylgja með svona til að poppa þetta upp aðeins og flyt auðmjúkar þakkir til þeirra sem enn lesa bloggið mitt. Nú þegar formlegt barnsburðarleyfi er hafið get ég lofað stanslausum skrifum um ævintýri hinnar heimavinnandi húsmóður og múltímömmu.

adíjós amígós

hugleiðing

2007-08-16T08:07:00.000-07:00

Hvað segja geiturnar? Jarma þær eins og kindur?

2007-08-16T07:49:00.001-07:00

Le bébé lætur heldur betur snúast í kringum sig. Tvær ferðir á fæðingadeildina þar sem allt virðist vera að fara af stað, útvíkkun, reglulegir samdrættir og kollur langt niðri í grind en svo bara dettur allt niður aftur. Eftir fjóra daga af þessu rugli er ég að verða frekar vondauf um að fæðing verði yfirhöfuð. Þetta var kannski allt bara einn ruglingslegur misskilningur og ég er ekkert ólétt heldur undarlega feit?
En við Jón getum farið að taka á móti fólki þarna í Hreiðrinu og sýnt því staðinn, svo heimavön erum við orðin. Við vorum jafnvel að hugsa um að taka að okkur kynninga -og upplýsingamál staðarins í nótt. Annars fór alveg frábærlega um okkur, við vorum látin sofa til morguns til öryggis, því það var hugsanlegt að belgur yrði sprengdur og þessu komið af stað í morgun en við það var hætt þegar ég upplýsti viðstadda um verkjaleysi og almenna hreysti. Okkur var boðinn ágætis morgunmatur og svo fórum við heim eftir nóttina, útsofin. Mér fannst þetta allt frekar pínlegt verð ég að viðurkenna.

Annað mál:
Drengurinn er byrjaður í leikskóla og hefur að sjálfsögðu vakið athygli fyrir dugnað og persónutöfra.

Hundafrétt á dag kemur skapinu í lag.

2007-07-26T15:10:00.000-07:00

Hvað er málið með allar þessar hundafréttir hjá Ríkissjónvarpinu? Fyrst er það blessaður Lúkas og núna hinn ástralski Röstí.

Hver er haldinn hundablæti þarna á fréttastofunni?

2007-07-25T14:55:00.000-07:00

Mér finnst svona klukk leikir svo skemmtilegir en enginn hefur nokkurn tíman klukkað mig. Eftir langa umhugsun og þó nokkuð hreinskilnar samræður við sálina mína dró ég eftirtaldar ályktanir af því:
1. Það hefur enginn áhuga á fánýtum fróðleik um mig.
2. Ég blaðra svo mikið að allir sem mig þekkja vita fánýta fróðleikinn um mig.

Ég hallast að hinu síðartalda þar sem annað væri hræðilegt áfall.

Önnur niðurstaða sem ég komst á er að þrátt fyrir að vera ekki klukkuð manneskja ætla ég SAMT að deila með ykkur átta fánýtum upplýsingum um sjálfa mig. hahahahaha óþekk er ég!

..........

25 mínútum síðar finnst mér þessi leikur bæði hallærislegur og tímafrekur. Ég bara man ekki eftir neinum skemmtilegum, fánýtum fróðleik um sjálfa mig. Líklegast hef ég tapað kímnigáfunni, skáldskapareiginleikum og minninu.

Ljúfa líf

2007-07-13T03:23:00.000-07:00

Sólin skín inn um gamaldags eldhúsgluggann hér í Bólstaðarhlíð. Maður og barn eru að sinna erindum en ég nýt friðarins, mitt í bollubakstri.
Svo þegar þeir koma aftur verður farið í sund og sólar jafnt sem samveru notið. Af því að við erum fyrirmyndarfjölskylda samkvæmt skilgreiningu!

p.s mér til undrunar hefaðist deigið sér svo þetta virðist ekki vera mikið að klúðrast þessi bakstur. Allavega ekki enn. En ég hef lært það í gegnum tíðina að kálið er ekki sopið þó í ausuna sé komið og er því með varan á fyrir öllum leiðum mistökum hvað bakstur varðar.
Það er alltaf bakarí hér við hliðin á...

2007-07-03T01:37:00.000-07:00

Það hefur nú ekki margt verið skrifað hingað inn upp á síðkastið enda sól og sumar upp á hvern dag ásamt ævintýraferðum með drengnum á hina ýmsu rólóa. Ég hef ekki hugsað mér að vera duglegur bloggari núna og við það situr.
Hinsvegar ætlaði ég að skella inn nokkrum skemmtilegum myndum inn á flickerinn en þá vill ekki betur til en svo að snúran sem maður notar til að setja myndir af vélinni á tölvuna finnst ekki. Svo sú síða verður líka lömuð í einhvern tíma.

Annars er allt ljómandi gott að frétta.

Geir Hannes braggast sem aldrei fyrr. Hann er mjög duglegur að tala og er farinn að segja heilu sögurnar um það sem fyrir augu ber.

Jón Hannes er núna í þessum töluðu orðum á fyrstu vaktinni sinni hjá fréttastofu sjónvarps og eru allir beðnir um að horfa á fréttir í kveld. Hann var að klára allt sem þarf í atvinnuflugmannsskirteini og telst nú hæfur umsækjandi hjá flugfélögum víða um heim. Hér heima þarf hann fleiri flugtíma til að vera með í lúpunni og þá er bara að fljúga þá.

Við fórum í ótrúlega vel heppnað ferðalag yfir helgina og fá Svanhvít, María Sól og Sigrún bestu þakkir fyrir gestrisni og góðar móttökur í fallegu sveitinni sinni. Þar eru Krakkatómatar ræktaðir og allskyns kryddjurtir ásamt exótískum ávöxtum, allt lífræn ræktun. Þvílíkt lostæti!! Og gaman að týna tómatana beint af trénu og stinga upp í sig. Geir Hannes náði að enda ferðina með ákveðinni dramatík þegar hann datt niður úr dúkkuhúsi og fékk vægan heilahristing. En hann er hinn hressasti núna.

Meðgangan gengur mjög vel. Nú er von á stúlkunni í næsta mánuði og við erum farin að hlakka mikið til að fá hana í hendurnar. Geir Hannes byrjar á leikskólanum 7. ágúst og vona ég innilega að stelpan komi ekki fyrr en aðlögunin er búin.

Jæja nóg af blaðri. Það er heilmargt að gerast og þannig á það líka að vera. Ég er farin út í sólina...

Orðin íslenskufræðingur!

2007-05-18T05:11:00.000-07:00

Jeij og jibbí jei.
BA-ritgerðin hjá prófdómara.
Munnlegt próf búið og staðist.

Nú ætla ég að vera í fríi í sumar og mitt aðalstarf verður að vera mamma. Sjáumst í miðbænum, í sundi eða í húsdýragarðinum. Við Geir verðum þar.
En fyrst...BArcelona-ferð.

allt að gerast í siggu-heimi

2007-05-10T03:23:00.000-07:00

Árshátíð RÚV

2007-05-06T07:15:00.001-07:00

Árshátíð RÚV
Originally uploaded by Geir Hannes.

Ég ákvað að skella einni mynd af okkur skötuhjúum hingað. Tekin á árshátíð sem var skemmtileg.

Heimiliserjur

2007-05-04T05:04:00.000-07:00

Opið bréf til móður minnar, Guðlaugar Ólafsdóttur.

Kæra mamma.
Steinhættu að berja mig til bókar. Ég mun ekki sjá mér fært að lesa undir sama þaki og þú í framtíðinni ef þessi hegðun stoppar ekki nú þegar.

Virðingarfyllst, Sigga.

ps

2007-05-03T08:43:00.000-07:00

eina markverða sem hefur gerst hjá mér í dag er að ég kom að grátandi sagnfræðinema á klóstinu en þar sem ég var alveg að míga í mig rak ég hana út með viðeigandi látbragði.

Svo komst ég að því að bækurnar sem ég hef rogast með út um allan bæ en ekki beint opnað og lesið innihalda alls ekki lærða umfjöllun um textana sem eru til prófs heldur brot úr textunum. Í sænskri þýðingu. Það eru sumsé afskaplega lítil not fyrir þessa hlunkabækur sem gætu valdið fyrirburafæðingu vegna þyngsla sinna. Sillí mí að tékka ekki á þessu fyrr. Svo get ég ekki varist þeirri hugsun hví í ósköpunum bækurnar voru keyptar inn á heimili foreldra minna, en ég skil núna undurnina í rödd pabba þegar hann spurði: nú, koma þessar bækur þér eitthvað að gagni? með sérstaka áherslu á þessar.

ég borgaði líka 40 krónur fyrir hálsbrjóstsykur með kreditkorti. Afgreiðslumaðurinn hló að mér.

2007-05-03T08:34:00.000-07:00

ég hef aðeins verið á röltinu í netheimum. Nú hef ég fengið það dolítið á tilfinninguna að fólk almennt lifi meira spennandi lífi en ég. Sumir eru í borgum sem heita eitthvað sem ég get ekki borið fram og það í mars. Sötrandi hvítvín í hlýrabolum og snorka eða eitthvað. Aðrir fara á Bjarkartónleika í Coachella og meira að segja sambýlismaður minn fær að brjóta niður veggi og innréttingar eins og óður maður sem mér hefur alltaf þótt bæði heillandi og spennandi leið til útrásar.

Nú ætla ég að byrja að blogga þannig að mönnum finnist þeir vera að missa af veröldinni fyrst þeir eru ekki ég. Sem þeir eru náttúrulega þar sem ég er veröldin mín í vissum skilningi.
Ég er farin að ná í hann son minn og svo ætla ég að taka strætó með hann heim. Brjálað stuð á FS...957

2007-05-03T04:23:00.000-07:00

Ó, einbeiting.
Ég kalla á þig. Ég heiti á þig. Ég skora á þig.
Komdu yfir mitt óverðuga höfuð og hjálpaðu mér í gegnum dagsins þunga lestur.
tídægra, fást, dafnis og klói, og fleiri verk sem tilheyra heimsbókmenntunum er nú bölvað hátt og í hljóði.

Ó, fíflið sem situr við hliðina á mér og hlustar á tónlist sem glymur yfir til mín. Hvað mig langar að taka tölvuna og kasta í hausinn þinn. Hvernig væri að hlusta á eitthvað almennilegt þá, bölvaða úrhrak?

Ó, bókmenntasögupróf.
Megir þú brenna til kaldra kola í heitasta helvíti.

Annars er ég bara kát sko.

æi ég nenni þessu ekki, bloggið er dautt, ég er hætt. kem engu frá mér af viti meðan ég get bara skrifað titla

2007-04-26T03:28:00.000-07:00

AF NÓGU ER AÐ TAKA! ef ég gæti bloggað myndi ég taka nokkur dæmi um klúður stjórnarflokkana síðustu ár sem bitna beint á mér og fjölskyldu minni

2007-04-26T03:27:00.000-07:00

gagnrýna hvorn annan og berjast um atkvæði sín á milli. Hvers vegna ekki að standa saman og einbeita sér að því að gagnrýna ríkisstjórnarflokkana?

2007-04-26T03:26:00.000-07:00

Menn eru að verða pínu taugaveiklaðir í kosningabaráttunni. Á vinstri væng birtist sú veiklun í því að vg og samfylking eyða ótrúlegu púðri í að

2007-04-26T03:24:00.000-07:00

Auglýst eftir fólki í þrif í kvöld.Brjálað stuð, tuskur og gleði.Karlhórur munu dansa ögrandi dansa á meðan þrifum stendur.skráning hafin í kommentum.

2007-04-23T02:09:00.000-07:00

2007-04-22T08:25:00.000-07:00

t.

2007-04-13T15:43:00.001-07:00

Dagsverkið var bara mjög gott í dag, ég náði að skrifa töluvert, tala við aðra en sjálfa mig og setjast upp í bíl hjá ókunnugum strák sem var kjánaleg

2007-04-13T15:41:00.000-07:00

Páskarnir voru annars bara notalegir hjá mér og fjölskyldu minni. Sérstaklega Jóni sem vann allan páskadag meðan við Geir vorum í brjáluðu stuði

2007-04-13T15:35:00.000-07:00

Þetta gæti orðið athyglisverð stílæfing, jafnvel pínu frumlegt sem er mjög andstætt eðli mínu

2007-04-13T15:34:00.000-07:00

Greinilega

2007-04-13T15:33:00.002-07:00

Birtast bara titlar?

2007-04-13T15:33:00.001-07:00

um hitt og þetta

2007-03-23T03:40:00.000-07:00

Hræðilegar pestir lögðu mig í rúmið í viku og gengu frá mér þar. Mér líður eins og það hafi verið keyrt á mig því allur skrokkurinn er einhvernvegin í lamasessi.

Augun í mér voru stokkbólgin þegar ég vaknaði í morgun sem var alls ekki til að bæta skapið. Sérstaklega þar sem þau gátu ekki séð sóma sinn í því að vera eins bólgin heldur er annað augað bólgið niðri og hitt uppi. Sem gerir mig mjög undarlega útlits.

Fötin eru farin að þrengja verulega að mér en ég passa samt ekki í óléttufatnaðinn strax. Þetta er leiðinlegt tímabil sem ég var búin að gleyma, skrýtið hvað maður gleymir leiðinlegu hlutunum fljótt.

Í gær fórum við í afmælismat til pabba og mömmu. Pabbi var afmælisbarnið... húrra fyrir honum! Þar fékk sonur minn hinn sterki skúffuköku í fyrsta skipti og bókstaflega skalf af gleði við hvern bita.

Ég get lesið eitthvað lengur hérna heima en svo verð ég að hunskast á bókhlöðuna með mismunandi bólgin augu og í alltof þröngum fötum. Mikið vildi ég að ég gæti bara farið í geðveikt flotta búð og keypt mér fullt af fötum sem ég þyrfti ekki að máta. Ég er algjörlega týpan til að eiga stílista... og fullt af peningum ef út í það er farið. Stefni á það í framtíðinni.

STERKUR!!

2007-03-20T09:05:00.000-07:00

2007-03-12T07:14:00.000-07:00

Ég vil benda á bloggsíðu sem hefur bæst við flóruna. Mjög góðir og þarfir pistlar til umhugsunar þar.
Góða skemmtun gott fólk.

Annars er gullið mitt veikt og við Hanna Rún sitjum hér hlið við hlið í sófanum heima, með sitthvora fartölvuna og mælum ekki orð frá vörum. Það minnir mig á vinskap minn og Ásu í bernsku minni en við lágum oft marga klukkutíma í sitthvoru herberginu og lásum bækur. Svo fórum við heim eftir innihaldsrík samskipti í kringum kvöldmat.
Já, vináttan er margslungið fyrirbæri.

TIL HAMINGJU!

2007-03-08T01:40:00.000-08:00

Elsku gáfuðu, stórkostlegu, fallegu og góðu konur í lífi mínu! Mamma mín, systur mínar, amma, vinkonur, mágkona, tengdamamma, móðursystur og allar hinar:

TIL HAMINGJU MEÐ ALÞJÓÐLEGAN BARÁTTUDAG KVENNA Í DAG!!
Notum daginn til að blása okkur baráttuanda í brjóst, það er enn nokkuð í land.

Karlar, til hamingju með daginn líka. Hagsmunir okkar allra eru fólgnir í jafnrétti kynjanna.

VAKNIÐ FÓLK!!!!

2007-03-05T01:39:00.000-08:00

Fréttir sem berast frá Gasa eru skelfilegar. Það fer ekkert á milli mála hvað er að gerast þarna, þjóðarmorð er eina orðið sem ég á til í skjóli og af völdum Vesturveldanna.

Kærastinn minn var beðinn um að líta á báðar hliðar málsins þegar hann tjáði sig um ástandið í Palestínu fyrir skömmu. Mig langar að spyrja hvaða báðar hliðar eiginlega? Hver er "hin hliðin" þegar milljónir manna eru svelt heilu hungri án þess að hafa nokkuð sér til sakar unnið?

VAKNIÐ FÓLK! Við verðum að senda þau skilaboð til stjórnvalda að við getum ekki horft upp á ástandið lengur og það verði að stoppa Ísraelsstjórn ekki seinna en NÚNA. Einu sem geta komið til hjálpar fólkinu núna erum við, almenningur, því ekki gera stjórnvöld í einu einasta vestræna ríki það.

Sumarið ó sumarið

2007-03-02T01:58:00.000-08:00

Jeg glæder mig til sommeren.

Það er á stefnuskránni að læra dönsku betur. Og hvað er betra til að byrja en að lesa eitt stykki bók um konungasögur á dönsku frá 1914?

,,Et blik paa den kirkelige missionspraksis, paa gamle germanske daabslofter, kan gi et visst indtryk av djævletroens plads i forkyndelsen."

Þess má kannski geta að þegar ég fletti bókinni fyrst sá ég ástæðu til að taka eina danska, eina sænska og eina norksa orðabók og vona við lesturinn að ég áttaði mig á hvaða tungumál nákvæmlega ég væri að eiga við. Gat fljótlega útilokað sænskuna og er líka búin að útiloka norskuna. Svona er nú tungumálagreindin sterk.

Yfir og út.

Fíflaskapur

2007-02-28T08:25:00.000-08:00

Ég geng rakleiðis inn um opnar dyr á skrifstofu leiðbeinanda míns, sem var víst á miðjum fundi komst ég að stuttu síðar, hlamma mér í stólinn hjá honum og segi: veistu ég er bara að gugna á þessu.

Ég var vinsamlegast beðin um að hringja á undan mér næst þegar ég hefði í huga að deila með honum hugsunum mínum og sálrænu ástandi meðan ég bakkaði afsakandi út um dyrnar.

Lesist í vælutón

2007-02-27T01:24:00.000-08:00

Ég samþykkti í einhverju bríaríi fyrir mánuði síðan að halda fyrirlestur á nemendaþingi íslenskunema. Núna fékk ég að vita dagsetningu á fyrirhuguðu þingi og ég er strax búin að finna upp mjög margar leiðir til að losna undan þessu helvítis rugli.

Svo vaknaði ég klukkan 5:50 í morgun með litlum gutta sem getur sagt dudda og orðið valdsmannslegur í leiðinni og það var vont að anda á leiðinni í skólann út af mengun. Og það er mjög margt ljótt að gerast í heiminum sem kemur málinu kannski lítið við en er samt staðreynd.

Væll og volæði.

Sálgreining I

2007-02-21T06:40:00.000-08:00

Ég er of meðvituð um að líf mitt velti ekki á BA-ritgerð.

Nú er ég búin að greina vandann og þá er bara eftir að taka á honum. Sem er ekkert bara.

Frelsi til að þéna sama hvernig.

2007-02-20T03:09:00.000-08:00

Já Frjálshyggjuflokkurinn hefur áhyggjur af frelsi klámhunda til að ferðast og funda. Það verður að verja frelsið með öllum ráðum svo við feministar eigum að þegja og hætta að berjast gegn klámi. Frelsi til mansals, frelsi fyrir vændi, frelsi fyrir eiturlyfjasölu, frelsi, frelsi, frelsi, frelsi....Af hverju máttu Vítisenglarnir ekki koma hingað? Þeir hafa ítök í nákvæmlega sama bransa og verið er að verja núna.

Mikið vona ég að sá dagur renni upp að menn drullist til að segja það sem þeir meina. Frelsið er mikilvægt svo lengi sem það skaffar fullt fullt af peningum. Mannréttindi skaffa alls ekki peninga og því má traðka á þeim.

Annað sem gerir mig trítilóða eru ummæli Hrannar Greipsdóttur hótelstjóra Radisson SAS Hótel Sögu. Hótelið hýsir sem sagt fólk jafnvel þó það sé á kýrkláru að það ætli sér að brjóta íslensk lög! Ætli það sé ekki allt falt fyrir peninga?

Annars vil ég tengja á þessa grein og athugasemdirnar sem henni fylgja. Ég vil endilega hvetja sem flesta til að lesa þetta í gegn og síðasta kommentið er hreint frábært.